Heimasíða Helenu

14.3.2010

Mín stund!

Subbulegu borðhaldi með skyrís í matinn (skyr.is) er lokið og allir stubbarnir þrír eru sofnaðir. Sönnunargagn A:

Kaffið er að renna í gegn og ég sit ein í eldhúsinu með þvottavélina mér til halds og trausts. Hún hefur mikið að gera í dag, en nú þegar held ég að hún hafi klárað 5 umferðir af þvotti. Skil samt lítið í því hvað þvottakarfan tæmist illa!
Eftir kaffibollann þarf ég að fara að undirbúa komu hóps af Svíum í gróðurhúsaheimsókn, svo ég þarf að koma tungunni í sænska gírinn, heja heja.
Annars komu nokkrir bikarar í hús í gær! Karítas vann barnaflokk í Ölfustölti Loga í Flúðahöllinni (!) á Björgvin og fékk bikar, Knútur keppti þar líka á Kráku og vann B-úrslit og svo trallaði hann sér bara í annað sætið emoticon

. Dómaranum líkaði hryssan svo vel að hann fékk hana með sér heim og er að spá í að kaupa hana bara. Dóróthea fékk að vísu engan bikar en gekk ágætlega á Hersveini, en hún komst í B-úrslit. Nú, þá eru ótaldir bikarar sem Æskulýðsnefnd Loga fékk fyrir æskulýðsstarfið 2009, einn til eignar og annar farandsbikar. Svo ég er mjög ánægð eins og gefur að skilja. En nú þarf ég að fara að skera út staup og prata svenska. emoticon

Skrifað 14.3.2010 kl. 12:47 af Helenu

Bein slóð á færslu

Engin álit, smelltu til að skrifa álit

3.3.2010

Nýtt myndband, nýjar myndir og fleira

Fór á tónleika í Aratungu í dag með nemendum Tónlistarskólans, og eins og vanalega var ég hrikalega stolt og glöð með mína stelpu. Svo ég setti náttúrlega myndbandsupptöku hingað inn af tónleikunum. Karítas sagðist hafa verið útúr stressuð, en að mínu viti sést það ekki neitt, hún var næst síðust og því á taugum alla tónleikana emoticon . Matthías Jens fór með mér, og á leiðinni í Aratungu sagði hann mér að það hefði verið rosalega góður matur í dag; æðisleg kjötsúpa alveg hreint. Hann er mjög matvandur drengurinn svo ég varð að vonum glöð og hugsaði með mér að hann hefði þá kanski bara borðað vel í hádeginu. Eftir tónleikana þegar við komum heim fór ég eins og góðri húsmóður sæmir beint í eldhúsið að hafa til kvöldmatinn. Það var í einfaldari kantinum, jógúrt og svo brauð sem ég smurði eftir bestu samvisku eftir því sem ég veit að hverjum og einum þykir gott (soðin egg fyrir strákana (eða "gagg" eins og Arnaldur segir), hummus fyrir Dórótheu og Knút, skinkusalat fyrir Karítas og svo framvegis). Matthías stendur yfir mér og getur varla beðið, svo ég spyr hvort hann sé svangur. "Já, ég borðaði svo lítið í hádeginu". Nú, hvái ég, en var ekki góður matur í hádeginu? "Jú, hann var nokkuð góður sko, en ég borðaði ekki svo mikið afþví að það var kjötsúpa"!!! Hvernig á að skilja þetta? emoticon

Svo er ég búin að setja inn myndir frá Skólahreysti 2010 þar sem Dóróthea var að keppa fyrir Grunnskóla Bláskógabyggðar. Ég fór með krökkunum sl. fimmtudag til Reykjavíkur og var í klappliðinu. Ég lýg því örugglega ekki en ég held ég hafi svitnað meira af spenningi yfir keppninni heldur en dóttir mín sem var pollróleg og stóð sig frábærlega. Skólinn okkar náði sínum besta árangri til þessa en þau lentu í 2. sæti í sínum riðli. Held að Dóróthea stefni á keppni líka á næsta ári; er komin á bragðið! emoticon

Skrifað 3.3.2010 kl. 22:25 af Helenu

Bein slóð á færslu

Engin álit, smelltu til að skrifa álit

25.2.2010

Keppnin i skólahreysti undirbúin!

Skrifað 25.2.2010 kl. 12:33 af Helenu

Bein slóð á færslu

Engin álit, smelltu til að skrifa álit

22.2.2010

Brask

Af einhverjum ástæðum stíflaðist niðurfallið úr þvottavélinni um helgina. Þvottavélin sjálf virkar bara ágætlega en vatnið flæddi um allt gólf og í skápinn og svona. Miður skemmtilegt. En þvottahrúgan minnkar ekkert þó svona standi á og því þurfa þessir hlutir að virka. Og á meðan ég bíð eftir að þetta lagist (!) þá redda ég málunum með garðkönnu, og mæli eindregið með að öll heimili búi yfir svona áhaldi! emoticon

Skrifað 22.2.2010 kl. 14:18 af Helenu

Bein slóð á færslu

Engin álit, smelltu til að skrifa álit

19.2.2010

Status quo

Sem þýðir: óbreytt staða. Bara eins og mér finnst tilveran vera; allt mallar bara áfram við það sama, hver dagur öðrum líkur, og bráðum fer (vonandi) að vora bara. En Status Quo hugsaði ég sem sagt í morgun þegar ég stóð og pakkaði tómat milljónog ellefu í bakka. Og þá fór hugurinn á flug og ég gleymdi í smá stund öllum tómötum og amstri dagsins. Það rifjaðist nefnilega upp fyrir mér sumarið sem ég var að vinna í matvörubúð í Svíþjóð, 17 ára "gella" á vespu! Hvað það var gaman! Frelsið sem ég fann þegar ég þeystist um á vespunni (á 30 km/klst niður brekkur nota bene :-) með Status Quo í vasadiskóinu sem var jú ipod ársins 1987 (og ég fékk útborgað með tékka líka!!! emoticon

). Það er svo mikill skógur þarna í Värmland að það var alveg hægt að syngja fullum hálsi með án þess að hræða neinn.

Og þegar ég hugsa um Svíþjóð þá rifjast bara allt upp í einni belg og biðu; mormor, sumarbústaðurinn, Ringvägen og bara allt. Oh, hvað ég vildi að ég gæti orðið lítil í einn dag og farið aftur í tímann. Bullar, rulltårta, mormors skorpor, bada i Vänern, fiska på bryggan, grilla korv, plocka hallon, cykla till Revsand, vara lite rädd för åskan, höra klockan ticka tidigt en sommarmorgon när man vaknar vid stugan, utedass, svara femhundratjugotrettitre när telefonen ringer, reta sig på flugor o klia på myggbett, jag o mormor som cyklar till stugan, gungan við vedboden, varm asfalt under fötterna, bugg, GB glass, serietidningar, jordgubbar med mjölk, mormors lingonsylt....jag kan fortsätta i evighet. Bara í einn dag....

Og ég er þakklát fyrir allar góðar minningar sem ég á, vonandi get ég skilað einhverju svona til minna barna, svo þau geti staldrað við í amstri dagsins eftir hvað, ca 30 ár, og yljað sér við góðar minningar um horfna æsku! (þetta er sírópsvæmið, en stundum er lífið bara einfaldlega þannig! Status quo!) emoticon